‘Tanvi the Great’ Cannes Market-ah debut dawn

Indian actor leh director Anupam Kher-a direct “Tanvi The Great” chu Cannes Film Festival-a Marche du Film-ah world premiere a ni dawn. Kher hian screening-ah a changtute leh crew member-te nen inhmelhriattirna an nei dawn a, A-list celebrity tam tak an tel beisei a ni. He film hi Anupam Kher Studio leh India National Film Development Corporation thawkdunin an siam a ni.

He film hi Ankur Suman, Abhishek Dixit leh Kher te ziah niin, cinematography hi Keiko Nakahara kutchhuak a ni a, music hi Oscar lo dawng tawh M.M. Keeravani (“RRR”) siam a ni. Cannes-a tlangzarh a nih hian international-a pekchhuah ṭhin a ni a, production team chuan khawvela khawpui lian London, New York, leh Los Angeles-ah te a hnu lama screening neih hun tur ruahmanin, khawvel hmun hrang hranga a thlen theihna turin hma an la ṭhin.