Lana Del Rey album tih khawtlai a ni

American singer leh songwriter, Lana Del Rey chuan a album thar tur 'The Right Person Will Stay’ tih chu a title an thlak leh avangin, May 21-a tih chhuah tura ruahman tawh chu tih khawtlai a nih thu a puang. April 11, Zirtawpni khan Instagram-ah a music project hrang hrang a lo pholang tawh bawk.

Album tlangzarh hun tur la puang lo mah se, Del Rey chuan thu lawmawm tak rawn puangin, a single thar tur, "Blue Bird" chu April 18 hian tih chhuah a ni dawn tih a sawi. A music thar ngaithla duhtute tan thu lawmawm tak a ni. Lana Del Rey tan hian album tih khawtlai hi thil thar a ni lo a, a album hmasa pathum - "Did You Know That There's a Tunnel Under Ocean Blvd", "Chemtrails Over the Country Club", leh "Blue Banisters" te kha tih chhuah an nih hmain harsatna hrang hrang an tawk vek a ni.