ATEEZ te'n US-ah tour nei dawn

Korean boy band ATEEZ chuan thla hmasa khan US-ah 'In Your Fantasy' tour an neih tur thu an lo puang tawh a, North American leg-ah hian show vawi 14 a awm dawn a, Los Angeles, New York, Atlanta, Chicago leh Mexico City-ah te an perform dawn a ni. Tour hi Baltimore, Orlando leh Nashville-ah te neih a ni dawn bawk a, kar hmasa khan ticket hralh chhuah a nih hnuah, L.A. leh Orlando-ah te show dang an neih belh dawn bawk a ni.

Member pariat awmna group hian kum kal ta nipui lai khan U.S. an tlawh a, 'Towards The Light : Will To Power' tour an nei a ni. Tun hnai khan ATEEZ chuan an company KQ Entertainment kaltlangin AEG nen kum tam tak chhung atan strategic partnership an ziak.