Lehkhabu bawm: 'Khualzin Khawhar' tlangzarh a ni

Elpida Rehabilitation Centre, Falkland-a Home Father K Chhawna Zote (Zotea) ziah, 'Khualzin Khawhar (The Lone Traveller)' tih lehkhabu chu tun hnai khan Evan Dr R Vanlalpeka'n Elpida Rehabilitation Centre-ah a tlangzarh.

'Khualzin Khawhar' lehkhabu tlangzarh inkhawm hi PUC Psychology faculty Johny Lalṭhafamkima'n kaihruaiin, Evan HK Lalhmangaiha'n hunserh a hmang a, Mahmuaka Chhakchhuak-in lehkhabu thlirlawkna hun a nei bawk. He lehkhabuah hian hmangaihtu hmangaihna aṭanga khawhar lunglen, mal ngawih ngawiha inhriatna, hlimna, lawmna, ṭahna, lungngaih beidawnna ruam ata beiseina nung neih dante tarlan a ni. CVL Bass leh InLehkha-ahte Rs 300-a lei theihin zawrh chhuah a ni.