Feli Fanai Hla thar nen kan hmu hnai
'Ti ve mai la' a rawn hlawhtlinpui a, music video hmuhnawm zet mai nen Ṭhazualah pakhatna a rawn luah hnuah Feli Fanai chuan music video dang a peih leh ṭep a, shooting an zo tawh a, kar leh lamah hi chuan kan hmuh theih a rinawm.
Lengzem huang chhunga hmeichhe hlawh≠tling mekte zinga mi Feli Fanai hla thar tur hi 'I kianga len' tih a ni a, Lalnithangi Sailo phuah a ni. Music hi hla phuah leh music siam lama hmingthanga Kima Chhangte kutchhuak a ni a, voice hi Foster Recording-ah record a ni. Music siam lama hnuhma ngah, Fishtail-in video lam an khawih thung. Ṭhazual Award-ah te, Ṭhazual chart-ah te Feli Fanai hian hlawhtlinna a chan tawh mai bakah, Vulmawi Awards sem turah Best Music Video-ah leh Best Female Artist category-ah te nominee a ni.
'I kianga lÍn' tih hla hi Feli Fanai tan kumina a music video tih≠chhuah pahnihna tur a ni, a hla thl˚k hi a hmaa mi nen a danglam dawn hle. "A hmaa mi ang kha a ni tawh dawn lo a, a cool dawn a, lunglÍn ch‚nga ngaihthlak nuam tak tur a ni ang," tiin Feli chuan a sawi. A hmaa a music video nen pawn a lan dan hrim hrimah a inang dawn lo hle.
A hmaa music video kha cheimawi a ni a, a bakah a hmuhnawm a, a hla nen a inrem hle bawk. Feli chuan tuna mi chu khatianga cheimawi tehchiam a ni lo a ti a, a chhan chu a hla nen a inrem tur anga siam a ni a ti. 'Tuna ka music video tur hi chu a hla thu leh hla thl˚k kalhmang aṭangin cheimawi chiam hleih theih a ni lo,' a ti a, lunglÍnna kaichhuak tur z‚wng music a nih avang≠in a video pawh simple zawk, hmuh nuam tak tur a ni a ti. Kar leh khi chuan TV lamah pawh hmuh inbeisei ila kan tisual vak tawh lo ang.
'I kianga lÍn' tihah chauh hian Feli Fanai hi a tawp dawn lo a, kumin hian music video pakhat dang a tichhuak leh mai thei. Tunah hian Myztic Sailo nen an thawk dun mek a,engtikah nge an peih theih ang tih e≠rawh a sawi thei lo. Feli chuan hemi chungchang hi sawiin, "Kan buaipui mek a, kuminah a chhuak hman mai thei. Kumina a chhuah hman loh pawhin kum thar tir lamah chuan a chhuak ngei ang," a ti.