Billboard 200-ah Playboi Carti bawk

Billboard 200 album chart thar berah kar hmasa chart lama pahnihna hauhtu, Playboi Carti album "Music" in hma a hruai chhunzawm. Carti hian chart tharah No. 1 hauh mah se, album unit a hralh tlem ber ṭum a ni thung. Chart-ah hian kar li chhung lang tawhin ṭum thum No. 1 a hauh thei bawk.

Carti album hian kar hmasa chhungin equivalent album unit 64,000 a nei a, hei hi kumina album unit neih tlem ber ṭum niin, Morgan Wallen chuan nikum khan a album 'One thing at a Time' chu album unit 61,000 neiin pakhatna a lo nihpui ve tawh bawk a ni.

Album chart thara lang thei pasarih te hi chart hmasa lam pawha lo lang tawhte niin, mi thar pahnih an rawn lan belh thung. Ariana Grande album 'Eternal Sunshine' pakhatna aṭangin pahnihnaah a tlahniam a, equivalent album unit 56,500 a nei. Pathumnaah hian PARTYNEXTDOOR and Drake thawh dunna '$ome $exy $ongs 4 U' chu pangana aṭangin a rawn kaisang thung a, equivalent album 56,000 neiin chart a la luahlum tluang zel. SZA album 'SOS' pawh pangana aṭangin palinaah chhoin equivalent album unit 54,000 a neih chhunzawm leh thei a ni. Panganaah hian Kendrick Lamar 'GNX'chuan equivalent album unit 53,000 neiin a la awm bawk.

Chart-ah hmel thar pahnih an rawn langin Elton John leh Brandi Carlile te thawh dunna 'Who Believes in Angel' chu pakuanaah a awm a Ethel Cain 'Preacher's Daughter' chuan top 10 a rawn khar.