Cobra Kai changtunu Courtney Henggeler-in lemchan chawlhsan

Kum 20 chuang zet lemchan huanga sulhnu lo nei tawh, Cobra Kai film aṭanga kan hriat lar tak Courtney Henggeler chuan lemchan a chawlhsan thu a sawi. Henggeler hian thla hmasa chawhnu lam khan a agent-te hnenah lemchan aṭanga chawlh a duh thu hi a lo sawi lang tawh a ni.

Henggeler hian lemchan huanga a sulhnu lo neih tawhte leh rim taka a lo beihte chuan a beisei ang a phak loh thu te chu a social media account lamah a tarlang. Netflix a hit tak, season ruk thleng awm Cobra Kai-ah hian Amanda LaRusso lem changin chhungkaw nu ber angin a in lan a ni. Cobra Kai hi season thar tih chhuah a ni tawh dawn lo niin tarlan a ni bawk.