Coachella-ah Lady Gaga a che ṭha

Coachella Music Festival kar hnihna chu kar lian ta kartawp khan neih a ni leh a, Lady Gaga chu a perform laia a microphone lama harsatna a awm chunga a rawn chet ṭhat zui em avangin fak a hlawh hle.

Lady Gaga chuan a album, "Mayhem' hla te a perfom a, a hla pahnihna, 'Abracadabra' a perform laiin microphone a rawn chhia a, mahse buai loin zei takin a che zui a, a head mic chu a ken chiin a thlak zui a ni. A hnuah he thil thlen vang hian thupha a chawi a, 'Ka mic chhia kha a pawi ka ti hle, mahse live ngeiin ka zai tih in hriat phah alawm, " a ti. Theihtawp a chhuah thu a sawi zui bawk. Lady Gaga hian kumin July thla aṭangin Mayhem tour hi North America, Europe leh UK-ah te neih a tum. A tirah chuan tour hi neih a tum lo a, mahse Singapore-a show a neihah a album thar hi an lo dawnsawn ṭhat em avangin a ti phur a, tour neih a tum phah ta tih a sawi.