Tom Hiddleston channa 'The Life of Chuck' trailer a chhuak

English actor, Marvel film hrang hranga Loki lema chang ṭhin, Thomas William Hiddleston channa film thar "The Life of Chuck" chu Neon chuan a trailer an ti chhuak. He film hi June 6 hian theater lamah tih chuah hman tum a ni.

"The Life of Chuck" hi Stephen King novella, ‘If It Bleeds,’behchhana siam niin, Charles Chuck Krantz nuna thil thleng, a pi leh puin an enkawl chhoh dan, rilru natna a tawh chho leh a thil tawn hrang hranga lawmna chang a hriat chhoh dante tarlan a ni. Film-ah hian Benjamin Pajak, Jacob Tremblay leh Cody Flanagan-te chuan Chuck a lem version hrang hrang an rawn chang ve bawk. Nick Offerman chu narrator a ni. 'The Life of Chuck' hian Toronto International Film Festival0ah People's Choice Award a dawng a ni.