Morgan Wallen leh Post Malone Single tharah thawk dun

American country singer Morgan Wallen leh American rapper/singer Post Malone te chu thawk dunin single thar “I Ain’t Comin’ Back' an ti chhuak. Nikum lam khan "I HAd Some Help" chu an pahnih thawkdun hian an lo ti chhuak tawh bawk.

Single tih chhuah thar hi Wallen album palina 'I'm the Problem' tiha mi tur niin, May 16 khian tihchhuah a tum. Wallen album thar tur hi a album hmasa ang bawka hit a nih chuan kumin 2025 chhunga album hralh ṭhat zingah a lan leh ngei a rinawm. Artist pahnihte thawh dunna hmasa zawk 'I Had Some Help' pawh kha chart lamah che ṭha in 2024 chhung khan Billboard Hot 100-ah kar ruk chhung No.1 an nih pui thei a ni. He hla hi Post Malone 'F-1 Trillion' album ami a ni a, Grammy Awards-ah Best Country Song ah nominate niin, an pahnih hian Best Country Duo/Group Performance nominee an nih phah bawk.