Fortnite game-ah 'Star Wars' theme

Games lar leh kheltu ngah tak, 'Fortnite' chuan games season thar "Galactic Battle" season, May 2-a tih chhuah tur theme atan 'Star Wars' hman a nih tur thu an puang. He hmalakna hi Disney in Fortnite neitu Epic laka kum 2024-a USD tld 1.5 investment an tihin a nghawng zel niin game chhungah Star Wars lam hawi hrang hrang dah tel a ni dawn a ni.

Fortnite game tih chhuah thar turah hian Fan fiction Character lar tak Darth Jar Jar pawh a tel dawn. Hei bakah hian 'Force Lightning' te chu hman theih a nih dawn bakah Star Wars ship an tih mai X-wing leh TIE Fighter te pawh chu game kheltu te tan pilot leh co-pilot angin a khalh theih dawn bawk. Epic lam tarlan dan n Star Wars theme hman chhung season hian June 7 thleng game play thar an ti chhuak dawn a ni. May 2-ah Imperial Takeover, May 8-ah The Pull of the Force, May 22-ah Mandalorian Rising, May 29-ah Star Destroyer Bombardment leh June 7-ah Death Star Sabotage chu Star Wars theme pual hian tih chhuah tum niin an tarlang.