Korean Box Office-ah 'Yadang: The Snitch' che ṭha

South Korean box office thar berah Squid Game 2 star Kang Ha-neul channa crime thriller, 'Yadang: The Snitch' a che ṭha ber. Korean Box office-ah kar hmasa chhung khan sum la lut tam ber niin USD mtd 4.1 a hmu chhuak a, kar liamta chhunga sum lut zawng zawng aṭanga 69.8% a hui thei a ni.

'Yadang: The Snitch' hi Hwang Byeng direct niin, record breaking hit "12:12 The Day" leh "Inside Men" film te pawh lo direct tawhtu a ni. Film hi professional informant 'Yadang' tiha koh in prosecutor leh police te hnena ruihhlo khawvel chungchang a hriattir ṭhin dan leh a thil tawn chhoh dan tarlanna a ni. Kang bakah hian Yoo Hai-jin leh Park Hae-joon-te an in lan ve bawk a ni.

Film hi April 16 khan tlangzarh niin, kumin chhunga film tih chhuah tawh zingah tih chhuah kara ram chhunga che ṭha ber a ni thei bawk. Chart tharah hian kar hmasa lama pakhatna hauhtu "The Match" chu pahnihnaah awmin he sport drama hian kar li chhungin USD mtd 13.1 a la lut tling tawh.