Pope Francis thih hnuah 'Conclave' film entu pung

Pope Francis chu April 21, Thawhṭanni khan a thi a, a thih hnuah kum 2024-a tih chhuah, pope thlan leh a chhehvel chungchang tarlanna, 'Conclave' entu an pung nasa hle. He film hi streaming platform hrang hrangah en theihin a awm a ni.

'Conclave' entu hi Thawhṭanni a Pope Francis a thih puan a nih hnu khan 283% laiin a pung nghal a, a thih thu khawvela a darh hnuah phei chuan streaming app aṭanga entu awm zat chu minute maktaduai 1.8 tling nghalin April 21 khan entu punna hi minute maktaduai 6.9 a tling pha a ni. 'Conclave' hian Academy Awards-ah Best Adapted Screenplay pawh a lo dawng tawh a ni. Edward Berger direct a ni a, Robert Harris-a 2016 novel behchhana siam a ni. He film-ah hian Ralph Fiennes, Stanley Tucci, John Lithgow, Sergio Castellitoo leh Isabella Rosselini te an chang. 'Conclave' bakah hian Vatican lam rawngkai theme "The Two Popes" pawh entu 417% laiin a pung bawk a ni.