BET Awards 2025 Kevin Hart-a'n host dawn

American comedian leh actor, Kevin Hart chuan 2025 BET Awards kum 25 tlin lawmna ni nghal chu a host dawn. Awards hi June 9, an ram huna zan dar 8-a Los Angeles Peacock Theatre-ah neih a ni ang.

Hart hian kum 2011 khan award ceremony hi a lo host tawh a, “Die Hart” leh “The Roast of Tom Brady" vangin Emmy award pawh a lo dawng tawh a ni. BET tan hian kum 2008 khan stand-up comedy showcase “Comic View: One Night Stand” a lo host tawh bawk a, kum 2013 khan scripted parody series “Real Husbands of Hollywood” executive producer leh star a ni. “Kum sawm aia tam Kevin Hart hi BET chhungkaw zingah tel tawhin, kum 25 tlin lawmna BET Awards buatsaih tura a rawn kir leh thei hi kan lawm hle a ni,” tiin BET president leh CEO Scott Mills a sawi.

“Culture’s Biggest Night” tia vuah, BET awards hi kum 2001-a din a nih aṭangin music, film leh sports lama mi hang ṭhate chawimawi ṭhin an ni ṭhin. Taraji P. Henson, Regina Hall, Leslie Jones, Tracee Ellis Ross, Chris Rock, Chris Tucker, Samuel L. Jackson, Queen Latifah leh Jamie Foxx te chuan an lo host tawh bawk a ni.