Baekhyun mini album thar chhuak dawn

K-pop boy band chuai thei lo, EXO member Baekhyun chuan mini album thar nen a rawn kir dawn tih a puang. Baekhyun hian teaser video hmangin mini album parukna tih chhuah tur thu nimin Zirtawpni khan a puang a; May 19, an ram huna zan dar 6-ah tih chhuah tum a ni.

Mini album hming atan hian "Essence of Reverie" tih niin, nikum September-a "Hello, World" a tih chhuah aṭanga thla riatnaah a rawn ti chhuak leh dawn a ni. Kumin March-a American singer leh songwriter ni bawk, UMI nen "Do What You DO" an tih chhuah hnua ama pual rimawi a tih chhuah leh hmasa ber tur a ni bawk. Baekhyun hi K-pop solo act hlawhtling ber zingah a tel a, a debut solo album City Lights (2019) chu a hit hle a, kum 2020-a a tih chhuah Delight chu South Korean solo artist album zingah kum 20 dawn chhunga copy mtd 1 hralh chhuah hmasa ber a ni. Kum 2021 khan Bambi tih a ti chhuak leh bawk. Solo lama a kal chungin EXO tan member pawimawh tak a ni tel reng bawk.