Elena Rose, Camilo, leh Los Ángeles Azules thawh hona single chhuak

Venezuelan Singer leh songwriter, Grammy nomination pawh lo hmu tawh Elena Rose chuan single thar "Carteras Chinas" (Chinese Handbags) pop hla thar chu Ningani zan khan a ti chhuak. Hla tharah hian Camilo leh Los Ángeles Azules-te nen an thawk ho a, music video nen tih chhuah nghal a ni.

Elena Rose, a hming tak Andrea Elena Mangiamarchi hla thar hi Latin hla niin Billboard Latin hit-ah pawh a lan leh ngei a rinawm. Venezuelan hlaphuah thiam hian a debut LP, "En Las Nubes-Con Mis Panas" chu nikum November khan ti chhuakin Latin Grammy nomination pali lai a hmuh pui bawk. Panamian singer/songwriter Boza nena an thawh dunna single "Orion" chu Billboard Latin Pop chart-ah No.4 a lo ni tawh bawk a, hei hi artist pahnihte chart Top 10-ah an lanna hmasa ber ve ve a ni.