AI platform thar leh Imogen Heap thawkdun

Electro-pop artist, Grammy lo dawng tawh leh producer ni bawk, Imogen Heap chu AI start-up Jen nen an thawkdun tih Ningani khan an puang.

Heap hian Jen kaltlangin “stylefilter” hrang hrang panga a tlangzarh a, hla “Headlock,” “Goodnight and Go,” “Just For Now,” Last Night of an Empire” leh “What Have You Done to Me” te an ni. Heap hi artist zinga he platform hmang hmasa ber a ni bawk. Hemi avangin a inziahluh chhan ber pakhat a nih thu a sawi. Heap hi kum sawm chhung a technology platform, Auracles-ah a thawh tawh avangin he platform tana thurawn pe tur hian artist ṭha ber niin a lang a, Auracles hian rights management system angin hna a thawk a, Jen hnenah a track siamna tur metadata leh phalna zawng zawng chu rang tak pein, artist dangte pawhin a thatna an hmuh ngei a beisei.