Justin Bieber-a'n a album thar peihfel hnai

Canadian singer Justin Bieber chu rimawi lama thawm lian tak neih tumin a inbuatsaih mek. Report-a a lan danin Bieber hian a album thar beiseiawm tak chu a peihfel dawn hnai tawh a, he project tifel tur hian Nordic ram pan turin a inpuahchah mek bawk a ni. Kum li hnua a studio album hmasa ber tur hi a thawhpuite nen tih chhuah thuai tumin hma an la mek.

Tun hnai khan Bieber hian Los Angeles-a a chenna inah musician thiam tak takte nen jam session a buatsaih ṭhin. A thawhpuite zingah hian DJ Tay James, HARV, Carter Lang, Eddie Benjamin, leh U.K. singer Sekou leh producer Dylan Wiggins, Kali Uchis leh The Weeknd-te an tel. A thawhpui ṭhenkhat te hi Bieber chuan social media kaltlangin a hmuchhuak niin an sawi.

Hetih mek lai hian Def Jam Records, Universal Music Group subsidiary-a recording contract a neihah album pali siam belh a la ngai a, kum 2009-a a debut aṭang khan Bieber hian studio album paruk a ti chhuak tawh a, No. 1 single pariat nei tawhin, khawvel pumah stream maktaduai chuang a nei tawh bawk.U.S.-ah album copy mtd 24 vel hralh a ni tih Recording Industry Association of America (RIAA) chuan a tarlang.