Mr. Beast-a'n a video-a lang turin Virat Kohli a sawm

YouTuber zinga khawvel puma subscriber ngah ber Mr. Beast, a hming tak James Donaldson chuan Indian cricketer lar leh thawm nei lian tak Virat Kohli chu X kaltlangin a video tharah in lan ve tura sawmna a siam a, Kohli hi a tag zui bawk.

Mr. Beast hian Kohli hi thawh pui a chak thu American YouTuber Ranveer Allahbadia podcast-ah a lo sawi lang tawh bawk. Cricketer nen a video siam dun a chak thu hi a lo sawi lang a ni.

Kohli hian social media platform hrang hrangah follower a ngah hle a, IG account-ah hian mi maktaduai 271 lai follower a nei tling a ni. MrBeast hian YouTube-ah subscriber mtd 387 neiin, football legend Cristiano Ronaldo pawh a lo thawhpui tawh a ni. Kohli leh Ronaldo bakah hian fam ta, Kobe Byrant pawh kha a ngaihsan thu a sawi.