Rashmika Mandanna-in Bollywood film chang ve dawn ta

Tollywood star chhe lo tak, kum 24 mi Rashmika Mandanna chuan Bollywood a luhchilh ve dawn ta. A film chan tur hi Misson Majnu a ni.

Misson Majnu hi spy-thriller lam hawi a ni dawn a, India-in Pakistan-a Raw operation huaisen taka a kalpuina chungchang tih lanna film a ni dawn. He film thar tur buaipuitute tarlan dan chuan kum 1970 chho vela thil thleng tak tak zulzui a film hi chan tur a nih thu an tarlang.

Kum 35 mi India actor lar tak Sidharth Malhotra chu he film thar turah hian a changtupa a ni thung ang. Sidharth Malhotra hi RAW agent-ah a chang dawn a ni. A changtunu tur Rashmika chuan he film a chan tur thu hi a twitter lamah a tarlang a, he film-a a chan dawn vang hian lawmawm a tih thu pawh a twitter lamah a sawi chhuak a ni.

He film script hi Parveez Shaikh, Aseem Arrora leh Sumit Batheja-ten an buaipui a, director atan hian Shantanu Bagchi a ni thung. Ronnie Screwvala, Amar Butala leh Garima Mehta te chu producer an ni dawn bawk.

Nakkum February atangin Misson Majnu hi chan tan an tum a ni.