Rock & Roll Hall of Fame inductee-te puang

Rock & Roll Hall of Fame chuan official-in kum 2025 atana lak luh turte a puang a, an zingah hian Bad Company, Chubby Checker, Joe Cocker, Cyndi Lauper, Outkast, Soundgarden leh The White Stripes te an tel.

Ryan Seacrest chuan Pathianni zan khan ABC American Idol-ah inductee-te hi a puang a, performer category bakah Salt-N-Pepa leh Warren Zevon te chu Musical Influence award hlan an ni ang. Thom Bell, Nicky Hopkins leh Carol Kaye te chuan Musical Excellence Award an dawng dawn a, Lenny Waronker, producer leh executive lar tak, Warner Records president hna rei tak a thawh tawh avangin kuminah hian Ahmet Ertegun Award a dawng bawk ang.

Induction hi November 8-ah Peacock Theatre-ah neih a ni dawn a, Disney+ ah live stream a ni dawn a, hemi hnu hian ABC-ah tih chhuah a ni ang. Los Angeles-a induction neih a nih vawi lina a ni dawn a, kum 2022 hnua a vawi khatna tur a ni bawk.