Disney-in Animation lama hmeichhiate chawimawina hun siam dawn

Walt Disney Animation Studios chuan Spain rama Oscar-qualifying animation festival awmchhun, Gran Canaria Animayo neihnaah art leh animation lama hmeichhe talent nei ṭhate chawimawina atan May 7-10 chhung hian exhibition 'Whimsy & Wonder' a buatsaih dawn. Exhibition hi Centro de Iniciativas de La Fundación La Caja de Canarias, CICCA-a Manolo Millares & Elvireta Escobio hall-ah neih a ni ang.

Kumin chhunga official sponsor Disney chuan kum za chuang Disney visual storytelling siamtu hmeichhe artist-te chu a chawimawi dawn a ni. An zingah hian kum 1950 chhoa rawng hman dan thlak danglamtu, Mary Blair leh tunlaia mipui ngainat “Frozen,” “Encanto” leh “Moana 2” te siamna kawnga hmeichhe hmathlir ropui tak tak neite pawh a tel. Whimsy & Wonder hian Walt Disney Animation Studios-a visual development leh storytelling artist thiam tak takte thawh hlawkna a rawn tarlang dawn a ni.