'Ready or Not: Here I Come' ah Sarah Michelle Gellar leh Elijah Wood

American actress Sarah Michelle Gellar leh American actor leh film producer Elijah Wood te chu Matt Bettinelli-Olpin leh Tyler Gillett-te film,'Ready or Not: Here I Come' ah an chang dawn. Anni pahnih bakah hian Samara Weaving leh kathryn Newton te an chang bawk ang. Principal photography hi nimin Thawhṭanni khan Toronto-ah neih ṭan a ni.

Shawn Hatosy, Néstor Carbonell, Kevin Durand leh David Cronenberg te pawh a changtu tur zingah telin, Guy Busick leh R. Christopher Murphy te chu script ziaktu an ni a, Tripp Vinson, James Vanderbilt, Bradley J. Fischer leh William Sherak te chu producer te an ni. Movie hmasa zawk 'Ready or Not' kum 2019-a tih chhuah, Adam Brody, Andie MacDowell leh Henry Czerny te channa siamna atan khan USD mtd 6 chauh sen a ni a, USD mtd 28 zet a lalut thung.