Locarno Film Festival-ah Jackie Chan chawimawi dawn

Locarno Film Festival vawi 78-na, August 6 - 16 chhunga neih turah Hongkong actor leh filmmaker, Hollwood lamah pawh duai lo tak Jackie Chan chu martial arts a chawi larna avangin Pardo alla Carriera career achievement award hlan a ni dawn. "Chan hi East leh West inkara inthlauhna titawptu a ni," tiin festival buatsaihtute chuan an sawi.

Chan hian kum 1995-a a film siam "Rumble in the Bronx" hmangin Hong Kong martial-arts film-ah hming chherin, chumi hnuah khawvel pum huap film ngaihven hlawh "Rush Hour" ah a inlan leh a ni. Swiss fest-ah hian a film hmasa ber "Project A" (1983) leh "Police Story" (1985) te pholan a ni ang.

Jackie hian movie 150 chuang co-direct tawhin, stunt-direct bakah, sum lamah emaw production lamah emaw a hming a chher bawk. Kum 1978 khan "Snake in the Eagle’s Shadow" leh "Drunken Master" hmangin khawvel mite hriat a hlawh a, kum 2017 khan Oscar a lo dawng tawh bawk.