Barbra Streisand-i'n album tlangzarh dawn

American singer leh actress Barbra Streisand chuan a album thar, 'The Secret of Life: Partners, Volume Two' chu tih chhuah a nih tur thu Nilaini khan a puang.

Grammy Award vawi riat lo dawng tawh singer hian a album tharah hian Paul McCartney, Bob Dylan, James Taylor, Sting, Hozier, Sam Smith, Seal, Josh Groban, Tim McGraw, Laufey, Mariah Carey leh Ariana Grande te a thawhpui dawn a ni. 'The Secret of Life: Partners, Volume Two' hi Streisand-i'n kum 2014-a a album 'Partners' a tih chhuah hnua a rawn kir lehna niin, June 27 hian official-in tlangzarh a ni ang. He album hi Afanasieff leh Peter Asher te produce niin, Streisand leh Jay Landers te chu executive producer te an ni. Streisand chuan mithiam tak takte nena thawh ho chu nuam a tih thu leh, studio-a hun hman ho chu hlimawm a tih thu a sawi. He album-a single hmasa ber, "The First Time Ever I Saw Your Face" ah hian Hozier nen thawk dunin Nilaini khan tlangzarh a ni.