Lorde in Album thar hming leh chhuah hun tur puang

New Zealand singer leh songwriter ni bawk Lorde chuan hun rei tak aṭanga a lo buai pui tawh a album thar tur chu a tih chhuah hun tur leh album title tur Nilaini khan a puangzar. Lorde Album thar 'Virgin' tih niin amah leh Jim-E Stack produce a ni a, albumah hian hla 11 awmin June 27 ah tih chhuah tum a ni.

Lorde album thar hi a album tih chhuah hnuhnung ber "Solar Power" tih chhuah aṭanga kum li liam hnua tih chhuah a ni dawn a, a studio album palina tur a ni bawk. Album chhuah hun tur leh title a puan hma, April 23 khan album-a single 'What Was That' chu a lo ti chhuak tawh a ni. Album cover-art pawh X kaltlangin a tarlang nghal.