'F1' movie official soundtrack-ah Rosé

Blackpink member Rosé chu Hollywood film chhuak tur, Brad Pitt leh Damson Idris te channa, 'F1' official soundtrack sa tur zingah a tel a, hla thar hlak a rawn sa dawn.

Atlantic Records chuan Ningani khan 'F1 THE ALBUM' a zai tur artist lineup hi Ningani khan official in a puang a, an zingah hian Rosé bakah Ed Sheeran, Raye, Doja Cat, Don Toliver, Tate McRae, Burna Boy, Roddy Rich leh mi dangte an tel. Rosé hla thar, 'Messy' tih chu album-a hla panganaah a awm dawn a ni.

'F1 THE ALBUM' hi June 27-a a movie tlangzarh rualin tih chhuah tum a ni. F1 THE ALBUM hi Grammy Award eng emaw zat lo dawng tawh, Atlantic Records West Coast president Kein Weaver-a'n a produce dawn a,a ni hi Rolling Stone magazine chuan 'soundtrack guru' tiin a lo sawi tawh a ni.

Multi-platinum soundtrack project eng emaw zat a produce tawh a, hei vang hian a album produce thar tur hi a rawn hit hle a rinawm.