Threads active user mtd 350 tling tawh

Meta-in X (Twitter tih ṭhin) el tura a siam, Threads chu hmangtu an pung zel a, montly active user hi mtd 350 an tling.

Meta chuan an report thar berah hei hi tarlangin, Threads hmangtu hun hman pawh 35% in a pung chho tih sawiin, hei hi hmasawnan chhinchhiah tlak tak a n, ati. Meta thupuangtu chuan Threads chu Meta major social app a ni chho dawn a, X leh text-based sharing platform dang aia thlanawm a ni thuai dawn tih a sawi.

Hetih lai hian elpui ber, X erawh chu a la pha lo hle a, X monthly active user hi mtd 600 an tling tawh nia tarlan a ni a, mahse hei hi a dik chiah lo nia sawi an awm thung. Hei vang hian Threads nena an inthlauhna hi an tarlan ai hian a tlem zawk ring an awm a ni. Elon Musk-a'n X a lei hnu khan Europe-ah chuan user mtd 17 vel an chan niin an sawi.