Charity gig-ah Lewis Capaldi

Scottish pop star, Lewis Capaldi chu Edinburgh-a charity gig neihnaah puan lawkna awm loin a inlan. Chart-a pakhatna dinhmun hauhtu singer hian Assembly Room-ah vawi ruk a perform a, Campaign Against Living Miserably (CALM), mahni intihhlum venna kawnga thawktute tan benefit gig a nei a ni.

Scotland ram Bathgate khaw mi, Capaldi hian kum 2023 khan rilru lamah harsatna a tawh avangin rimawi a chawlhsan rih thu a lo puang tawh a ni. Tun ṭum hi Glastonbury-a a perform kum hnih hnua stage-a a inlan lehna hmasa ber a ni. Mahse BBC Scotland News chuan tun ṭuma a rawn perform vang hian rimawi lama kir leh tumna a la nei lo tih sawiin, CALM thlawp a duh vang niin an sawi.