'GTA 6' tlangzarh hun sawn hla

Video games company, Rockstar Games chuan Zirtawpni khan "GTA 6" chu May 26, 2026-ah tih chhuah a nih tur thu an puang. Hemi hma hian company chuan action-adventure open world title hi kumin favanga tlangzarh a nih tur thu an lo sawi tawh a, mahse tih chhuah hun tur bik erawh an sawi lang lo.

Rockstar chuan Zirtawpni khan thuchhuah siamin, tih chhuah hun tur sawn hlat a ni chu pawi an ti hle tih an sawi a, mipuite thlawpna leh dawhtheihna avangin lawmthu a sawi bawk. Game publisher pawhin an game tih chhuah apiangin a tum ber chu mipuite beisei aia ṭha a ni a, Grand Theft Auto VI chu beisei phaka ṭha a nih theih nan hun an mamawh thu a sawi ve bawk. Rockstar chuan "GTA 6" man hi a la puang lo a, game installment lian pangana, kum 2013-a tihchhuah hmasak ber chu industry-a live gaming service lian ber pawl a la ni reng. "GTA V" hi copy mtd 200 chuang hralh a ni tawh a, USD tld 8 chuang zet a la lut tawh bawk a ni.