Lady Gaga Rio concert-a bomb tihpuah tumtu mi 2 man

Brazil Police-ten Pathianni khan Copacabana Beach, Rio de Janeiro, Brazil-a Lady Gaga free concert-a bomb tihpuah tumtu mi pahnih an man nia tarlan a ni.

Mi pahnih an man zinga pakhat zawk hi pawl hruaitu niin, Rio Grande do Sul-ah dan loa ralthuam kawl thubuaiah man a ni. Pakhat zawk hi tleirawl a ni. He pawikhawih tumna hi LGBTQ community-te laka huatna thu sawi ṭhin pawl pakhatin an ruahman nia sawi a ni. Brazil police-te chuan he pawl hian tleirawlte chu an rilru puthmang thlakdanglama, improvised explosive leh Molotov cocktail hmanga beihpui thlak tir an tum thu an sawi.