Praise On top 10 an puang

Synfo Inkspot Digiprint Solutions tena an buatsaih, Praise On chu top 50 ten inelna an neih hnuah Inrinni zan khan top 10 te puan chhuah an ni a, a tlingte an thiamzia sawi hran ngai loin kan hria a, a tla tate pawh an thiam a, tla atana uiawm tak an ni hlawm.

Praise On Top 50 intihsiak hi October 3-5 chhung khan Bungkawn Kohhran Golden Jubilee Hall-ah neih a ni a, hetah hian music track hmangin hla pakhat zel an sa a, intihsiak a zawh hnuah Inrinni, October 8 zan khan top 10 te hming hi puan chhuah a ni ta a ni. Top 10-a tlingte:- Lalfamkima, Dawrpui Vengthar Branch; Saitluangpuii Sailo, Zemabawk North Branch; R. Lalrinmawii, Leitan Branch; Cindy Lalthanpuii, Tlangnuam Branch; Lalruatfeli, Lunglei Chanmari Branch; Loncy Lianchungnunga, Laipuitlang Branch; Lalrinchhana Jongte, Kulikawn Hmunthar Br.; Lalrinawmi Sailo, Electric Veng Branch; Lalhmangaihzuali, Kulikawn Branch leh Zorinsanga Sailo, Ramhlun ëNí Branch. Result puan zan hian Bungkawn Branch KṬP te chuan Faklam hmuhnawm tak an entir a, Group zai ngaihthlak man hla tak Henry Varte, Freddy, Nunui leh Baby te aṭangin ngaihthlak a ni bawk.

Top 10 te hi Team 3-ah ṭhen an an ni a, team tin enkawl tur hian Mentor ruat an ni a, heng Top 10 te hian Mentor te nen hian Final intihsiakna tur an zirho dawn a ni. Team 1-a mentor turte hi H. Lalṭhazuala, Chanmari West; Baby Malsawmtluangi, Chawnpui; leh R. Lalmalsawma, Bethlehem te an ni. Team 2-ah hian Manase H. Saphmingthanga, Ramhlun Vengchung; Vanlalpari, Luangmual Vengthlang leh Lalhriatchama, Laipuitlang te an ni. Team-ah hian K. Lalbiakthanga, Durtlang, Stacy VL Muanpuii, Tuikual leh David Lalvensanga, Khatla te chu Mentor an ni ang.

Final Round hi Oct. 25 leh 27 zanah te neih a ni ang a, neihna tur hmun hi Bungkawn Kohhran Golden Jubilee Hall bawk a ni. Oct. 25 zan hian music track nen hla pakhat an sa ang a, Oct. 27 zanah live music nen an zai leh ang. Oct. 28 zan hian result puan a ni tawh dawn a ni. Intihsiak hi Hruaina ng TV channel (LPS leh Zonet)-ah te pek leh tur a ni. Pakhatna hian Rs. 80,000 a dawng ang a, pahnihnain Rs. 40,000 a dawng ang a, pathumnain Rs. 20,000 a dawng ang. Hei bakah hian Top 10-a tling chente hian Rs. 5,000 ṭheuh an dawng dawn a ni. Pakhatna aṭanga pathumnate hi Music Home Chanmari chuan Casio Keyboard an pe ṭheuh ang a, an awmna Branch KṬP tan Microphone an pe bawk ang. Synfo chuan pakhatna aṭanga pathumnate hi music video a thlawnin a siamsak bawk dawn a ni.