A vawi khat nan pakhatnaah Solange

Beyonce-i laizawn, Solange Knowles chu a vawi khat nan Billboard album chart-a pakhatna dinhmun a rawn luah ve ta hlawl mai.

Solange Knowles hian solo album pahnih a lo tichhuak tawh a, mahse pakhatna an luah pha lo hle ve ve a, a studio album pathumna erawh chuan pakhatna a rawn luah ta. A album hi 'Losing You' a ni a, kar liam ta chhung khan copy 72,000 an hralh chhuak a, heng zinga copy 46,000 hi album pangngai a ni a, a dang chu album tlukpui a ni.

Unau naua Billboard album chart-a pakhatna luah thei hi chu an la tam lo hle. Beyonce te unau bakah hian Michael Jackson leh a farnu Janet Jackson te an ni a, Master P leh a unaupa Silkk the Shocker te an ni bawk a, Ashlee Simpson leh Jessica Simson te leh Toni Braxton leh Tamar Braxton ten pakhatna an lo luah tawh a ni. Kum khat chhunga pakhatna luah ve ve thei erawh Knowles te unau bakah Jackson te unau chauh hi an ni a, Janet leh Michael te hian kum 2001 khan Billboard album chart-ah pakhatna an rawn luah luah ve ve a ni.

Bon Iver album '22, A Million' chu pahnihnaah a awm a, unit 71,000 lai a hralh a, Drake album 'Views' chu pathumnaah a awm a, copy 47,000 a hralh.

Billboard 200

"A Seat at the Table" - Solange Knowles (72,000)

"22, A Million" - Bon Iver (71,000)

"Views" - Drake (47,000)

"Suicide Squad: The Album" - Various Artists (38,000)

"The Getaway" - Red Hot Chili Peppers (33,000)

"Illuminate" - Shawn Mendes (29,000)

"Dangerous Woman" - Ariana Grande (27,000)

"Blurryface" - Twenty One Pilots (25,000)

"Keep Me Singing" - Van Morrison (25,000)

"Birds in the Trap Sing McKnight" - Travis Scott (II) (24,000)