Faith Hill leh Tim McGraw tour

Country music-a nupaa hlawhtling, Faith Hill leh Tim McGraw te chuan an inneih kum 20 tlin champha phak pualin nakkum hian tour nei turin an inruahman mek.

Tim McGraw leh Faith Hill te hi kum 1996 khan an innei a, khawvel milar zinga innei rei pawl tak an ni awm e. Nakkum khi an inneih kum 20-na chiah a ni a, hemi pual hian Soul2Soul World Tour nei turin rua≠hmanna an siam. Tour hi April 7, 2017 khian New Orleans aṭangin an ṭan ang a, North America-a khawpui lian hrang hrang an fang a, October 27
khian Brooklyn, New York-ah an che ang a, hei hi an tour programme siama a hnuhnung ber a ni.

Tour nei tura an inpuahchah mek lai hian The Voice lamah he mite nupa hi kan hmu dawn. The season 11-naah an nupa hian adviser ni turin an lut tih an sawi a, October 24-a The Voice aṭangin kan hmu ṭan ang. The Voice-a contestant te knockout rounds atan thurawn pein an buatsaih ang.