Tuipui dinosaur chi thar

Scientist-te chuan dinosaur fossil chi hrang hrang awm tawh zing aṭangin tuipuia awm chi dinosaur chi thar an hmuchhuak.

Scientist-tena dinosaur chi thar an hmuhchhuah hi a fossil chu a hma fea an hmuhchhuah tawh a ni a, mahse a chi a dang a ni tih erawh tunhnaia an hmuhchhuah thar a ni. He an thil hmuhchhuah thar hi British Ichthyosaur a ni a, kum makta≠duai 200 kal ta, Jurrasic period tir lama khawvela lo che tla tawh ṭhin a ni.

British Ichthyosaur hi tuipuia awm chi, dolphin leh shark te nena inhnaih tak a ni. Hetih hunlai hian tuna British thliarkar khu tun ang hian la awm loin, thliarkar lian lo tak tak awm khawm ang chauh a la ni rih niin mithiamte chuan an sawi a, chung thliarkar chhehvel tuipuiah chuan Ichthyosaur hi a khawsa a ni.

University of Manchester chuan he fossil hi kum ruk chhung zet an lo zir chiang tawh a, chutah chuan Ichthyosaur dang≠te nen a inang lo tih an hmuchhuak. He ramsa hi a lian hle a, metre 15 vel zeta sei a ni. A hmingah hian Ichthyosaurus larkini tih an vuah a, British palaeontologist Nigel Larkin hmingchawia phuah a ni.