AMA-ah Drake-a'n record a siam

American Music Awards (AMA) sem a hun hnai leh tawh a, nomination list tihchhuah a ni a, Drake chuan record a siam. AMA history-ah, nomination list tih≠chhuah tawh a, ṭum khata hming lang hnem ber a ni.

AMA nomination list-ah hian Drake chu category 13-ah ngawt a lang a, ṭum khata hming lang hnem ber a ni a, a hmaa he record lo siamtu chu Michael Jackson kha a ni. Michael Jackson hi kum 1984 khan AMA-in nominee a tar chhuahah khan a hming hi vawi 11 ngawt a lang a, chu chu Drake hian a rawn kh˚m ta a ni.

Drake lanna langsarte chu Artist of the Year, Favorite Male Artist, Favorite Album, Favorite Rap Artist, Favorite Rap Song leh Favorite R&B song te a ni. A khawi emaw ber pawh hi dawng se, Drake tan chuan AMA a vawi khat dawnna a ni chauh ang.

Thawhṭanni khan AMA nomination list hi puan chhuah a ni a, Rachel Platten leh Joe Honas te chuan Good Morning America kaltlangin an puang chhuak a ni.

Drake baka hming langsar dang leh chu Rihanna a ni a, ani hi ca≠tegory pasarihah ngawt kan hmu bawk. Adele leh Justin Bieber te erawh nod pangaah ve ve an lang. Midang langsar leh chu Beyonce leh The Chainsmoker te an ni a, pali ve veah an lang a, Bryson Tiller, Twenty One Pilots, Carrie Underwood, Fetty Wap leh The Weeknd te chu pathumah ṭheuh an lang. American Music Awards hi November 20 khian KLos Angeles-a Microsoft Theatre-ah sem a ni ang a, ABC chuan a pulungin an pe chhuak ang.