Met Gala-ah SRK leh Priyanka Chopra an vul

Indian actor leh actress, khawvel hriat khawpa lar Shah Rukh Khan leh Priyanka Chopra te chuan, Thawhṭanni zana Met Gala 2025 ah nalh leh mawi takin ' Met Gala Blue Carpet' ah an rawn in theh ṭhil. Actor pahnih hian kum 2007 a tih chhuah 'Don' film an chan dun na theme hmanga rawn in cheiin fans te lawm an hlawh dun hle.

Kumin Met Gala-ah India aṭangin SRK leh Chopra bakah Diljit Dosanjh, Kiara Advani leh Manish Malhotra te an inlan bawk. Kiara Advani leh SRK hian Met Gala an chhim vawi khatna a ni.

Fashion khawvela hun ropui leh ngaihhlut hlawh, Met Gala 2025 theme atan hian 'Superfine: Tailoring Black Style' tih hman a ni a, mi hang leh mipa lam thuam thlur bingin, kum 2003 hnu lama menswear leh suiting lam an thlur bing ṭum khatna a ni.

New York khawpuia Metropolitan Museum Of Art-ah A-list celebrities ho an inlar leh a, guest inlan hi 450 an ni a, thlir an manhla leh hle. Kumina Gala co-chair hi Colman Domingo, Lewis Hamilton, ASAP Rocky, Pharrel Williams leh Anna Wintour te niin, LeBron James chu honorary chair a ni bawk.