Rihanna-in fa pathumna pai mek

Barbadian singer, sumdawnna lam a kal ta Rihanna chuan, Thawhṭanni zan a Met Gala red carpet-ah a fa pathumna tur a pai mek tih a rawn puang. 'Fashion's biggest night' tiha sawi, Met Gala-ah Rihanna leh A$AP Rocky te an kal dun a ni.

Rihanna hian April 2024 interview a neih ṭumah chhungkua an pung hnai maithei niin a lo sawi lang zauh tawh a ni.

Rihanna leh A$AP Rocky te hi kum nga dawn lo inkawp tawhin fa pahnih an nei tawh a, an fa hmasa zawk hi RZA Athelston Mayers niin May 2022 khan a piang a, a chhang Riot Rose Mayers chu August 2023 khan an nei leh a ni. Rihanna hian Rocky nen an fa pahnihna neih tur hi 2023 Super Bowl-a a perform ah lo puangzar tawh a, Met Gala ah an fa pathumna tur an pai mek tih chu an rawn puangzar leh a ni.