Billboard 200: Swedish rock band in hma an hruai

Swedish Rock band Ghost chuan an album 'Skeletá' chu Billboard 200 album chart-ah a vawi khatna atan No. 1 ah an lanpui. Kum li chhunga chart NO1-a hard rock album lan ṭum khatna a ni bawk.

Kum 2020, November 28 chawlhkarah khan AC/DC 'Power Up' chu Billboard 200 No 1-ah lo lang tawhin, kum nga chhungin No 1-a rock title lang thei hi 'Power Up' leh 'Skeletá' te chauh an ni. Kum 10 chhungin hard rock album pariat chiah No 1-ah an lang thei a ni.

'Skeletá' hian tlangzarh karah United States-ah equivalent album unit 86,000 neiin, album aṭanga sum hmuh chhuah zinga 89% chu traditional album hralhna aṭanga lak luh a ni. He album-a hlate chuan on-demand official stream mtd 12.45 an nei.

SZA 'SOS' chu equivalent album unit 52,000 neiin pahnihna a rawn ni a, pathumnaah hian hun rei tak chhung No.1 lo ni tawh Kendrick Lamar album 'GNX' awmin equivalent album unit 48,000 a nei. Morgan Wallen 'One Thing at a Time' chuan equivalent album unit 46,000 neiin palinaah a rawn kaisang a, Sabrina Carpenter album 'Short n’ Sweet' chuan equivalent album unit 44,000 neiin panganaah a tla thla thung.