34th Seoul Music Awards MC leh presenter lineup puang

34th Seoul Music Awards, kumina neih tur atan MC leh presenter lineup an puang chiang ta. He award hi kumtin huaihawt ṭhin niin kumin hian INSPIRE ARENA-ah June 21 hian neih tum a ni.

Kumin 34th Seoul Music Awards-ah hian MC pathum awm tur zingah i-dle member Miyeon chu MC atana a hming puanzar hmasa ber a ni. Presenter puang zingah Byeon Woo Seok, Ong Seong Wu, Nam Gyu Ri, Park Ju Hyun, Jung Eun Chae, leh Jang Gyuri-te hming chu tarlan an ni bawk.

South Korean rimawi huanga award ngaihhlut hlawh Seoul Music Award hi kum 1990 aṭanga sem ṭan tawh niin thawm nei lian tak tak an in lan ṭhin. He award hi BTS in dawng hnem berin award 27 a la tawh a, Grand Prize an tih mai 'Daesang' chu EXO nen an dawn zat in rual chiahin pali ve ve an dawng tawh a ni.