'Guardians Of The Galaxy Vol. 3' leh 'The Suicide Squad' Tlangzarh hun sawn a ni dawn lo
Twitter-a zawhna a chhannaah filmmaker James Gunn chuan 'Guardians Of The Galaxy Vol. 3' leh 'The Suicide Squad'-te chu tlangzarh hun tura an ruahman hun pangngaiah an tlangzarh dawn tih a sawi.
Director James Gunn chuan nakkuma tlangzarh tur film pahnihte hi coronavirus vangin tlanzarh hun sawn hlat ve a ngaih a rin loh thu a sawi a ni.
Khawvel puma hripui leng vang hian film tam tak tlangzarh hun tur sawn a ni tawh a, film boruak nei lian tak tak chan mekte pawh titawp lailawkin nasa takin film industry a nghawng a ni. Hemi a nih avang hian nakkum lama tlangzarh tur film eng emaw zat pawh a nghawng rinna a lian hle a, kumina film chhuak tur ṭha ho zawng zawng deuhthaw chu tlangzarh hun an tikhawtlai tawh bawk.
Twitter-a an zawhna chhangin James Gunn chuan nakkum August 6-a tlangzarh tur 'The Suicide Squad' chu tlangzarh hun sawn a ngaih ka ring lo, a ti.
"Tun dinhmunah chuan sawn hlat a ṭulna a la awm rih lo," tia sawiin shooting an zo hman tawh chu an lawm hle tih a sawi. Quarantine hma khan an in lam aṭanga editing khawih thei turin an inruahman hman niin a sawi bawk.
'Guardians of the Galaxy' pawh tlangzarh hun tura ruatsa pangngaiah an tlangzarh theih a beisei bawk a ni.