One Direction reunion a thleng dawn em ni?
One Direction fan-te tan thu lawmawm, mahse thu chiang si lo hriat tur a awm tlat mai.
Kum 2015-a an band chhuahsan ta Zayn Malik chu a ṭhiante pali Harry Styles, Louis Tomlinson, Liam Payne leh Niall Horan-te chuan twitter-ah an follow leh tawh! Chu mai a la ni lo, Official One Direction Account pawh reactivate a ni leh tawh bawk. An inzawm khawm leh dawn a ni thei mai ang em?Kum 2010-a an indin hnu aṭang khan khawvela boy band hlawhtling ber an ni chho a, mahse kum 2015 khan Zayn Malik hian a chhuahsan a, solo-in a kal zui a ni. A band member dangte erawh hi chu band angin kal zui mah se hun eng emaw chen aṭang kha chuan mumal takin band angin an kal thei ta lo a; tunah phei chuan solo-in an kal hrang ta vek a ni.
Tun hnai deuha an interview-naah Liam chuan reunion an nei thut mai thei tih a lo sawi thawi tawh a, Zayn a tel ve dawn leh dawn loh erawh a sawi lang lo.
Band angin awm mumal thei tawh lo mah se an fan-te chuan inzawmkhawm leh turin an duh hle a, an thil tih engkim an hmaih lo a ni ber e. Apple music-a an group imagery-ah pawh Zayn-a lem hi a chuang tel ve leh tawh tih an lo hmu leh der tawh a, Google-ah pawh 'One Direction' search chuan an panga hmel a lang leh tawh tihte thlengin an lo hmuchhuak leh hman tawh.