Bollywood Lockdown kara ran hmangaihna lantirtu Disha Patani
Film a chan thiam mai bakah a lam thiam vang pawha mi hriat hlawh Bollywood actress Disha Patani chuan sava, ‘black kit’ hliam a chhanhim.
‘Black kit’ hi a thla hmun hniha a tliah avang Mumbai khawlaia a lo let reng a hmuh chuan, rCovid-19 vanga lockdown puan lai ni mah se, Disha hian a kalsan thei lo a; in lama chaw a pek hnuah an in aṭanga ran enkawlna damdawi-in hnai ber, Wildlife Vet Dr. Rina Dev's clinic-ah chuan enkawl turin a dah ta a ni.
He sava khawngaihthlak tak hi a thla hmun hniha a tliah avang hian a chau hle a, ran damdawi-inah hian zai a ni dawn a, a dam chhuah leh ngei an beisei thu ran doctor-te chuan an sawi.
Hemi chungchang hi ran humhalhtu pawl (urban wildlife NGO), Resquink Association for Wildlife Welfare (RAWW) chuan an instagram account lamah an pho lang a, Disha hma lakna chu an fak hle a, a chungah lawmthu pawh an sawi hial a ni.