Green Day album beisei a sang

Album chinchang hre deuhte chuan Green Day album tihchhuah thar, Revolution Radio chu Billboard 200-a pakhatna luah thei turah an ngai. Green Day album Revolution Radio hi October 7 aṭang khan an zuar chhuak.

Green Day album thar, Zirtawpni kaltaa tihchhuah hi Billboard 200-ah kar liam ta chhung khan chhiar hman a ni lo a, tunkar chhung e≠rawh hi chuan an chhiar hman tawh ngei dawn. Music expert-te chuan Revolution Radio hi tunkar chhung hian, album pangngai chauh pawhin a chhe berah copy 80,000 vel an hralh theih an ring. Billboard album chart-ah pakhatna a luah chuan Green Day album, pakhatna luah thei pathumna tur a ni.

Revolution Radio hi Green Day studio album 12-na a ni der tawh a, an album hmasa ber hi kum 1990-a an tih≠chhuah 39/Smooth kha a ni a, Revolution Radio hmaa an album tih-
chhuah hnuhnun ber chu an album trology zinga a hnuhnung ber, Tre kha a ni a, kum 2012-a an tihchhuah a ni. Revolution Radio-ah hian hla 12 a awm a, Forever Now hla chu part III thleng a awm thung.