Kim K-i'n inrawkna lem thuah thubuai a thehlut

Paris-a Kim Kardashian rawk a nih chungchangah chanchinbu pakhat chuan chiang tak maiin inrawkna lem tiin a chhuah a, he chanchinbu hi Kim Kardashian chuan a khing dawn.

Kim Kardashian-i attorney, Andrew Brettler chuan New York-a federal court-ah thubuai a thehlut a, a thubuai thehluh≠ah hian, "France-a inrawkna rapthlak tak a thlen hnuah Kim Kardashian chu United States-ah a kir a, hetah pawh hian nasa taka sawisak a ni. US-ah hi chuan rukrute ni tawh loin, online gossip tabloid pakhat a ni thung a, chu chuan October 2016 khan Kim K chu dawt sawi hmang leh rukru angin a tarlang a ni," a ti.

Kim Kardashian chuan, "He article hian inrawkna kha lemchan mai mai, dawt a ni a ti a, insurance company-ah sum a phut duh vanga ka thlen chawptir angin a sawi a ni," a ti. Kim K hian he article tichhuaktu mediatakeout.com leh a neitu, Fred Mwangaguhunga te chu a chanchin dik lo tak leh dawta an tarlan avangin thubuai a thehlut a ni.