Tanya Tucker a damlo

Zaithiam, a hunlaia Mizote thinlung pawh hneh em em  ṭhin Tanya Tucker chu a damlo a, hei vang hian tour neih tura a hmachhawp eng emaw zat pawh a ṭhulh phah. Kum 58 mi country singer hlawhtling Tanya Tucker hi Zirtawpni zana South Dakota-a stage-a a awm lai aṭangin a nuam lo ṭan a, tualchhung doctor pawh a rawn nghal. Hemi hnu hian an khua, Nashville-a a inah a haw a, respiratory infection a nei tih hmuhchhuah a ni a, damdawi inah dah nghal a ni.