James Bond-ah Craig bawk?

Daniel Craig-a'n James Bond a chan tawh loh thu a sawi hnuah amah thlakna tur an zawng zawng a, an zawng hmu zo lo nge, Daniel Craig bawk a ri leh tlat.

Craig hian a tir kha chuan James Bond film chan leh ai chuan a ban rÍk tihtliah pawh a pawi ti lo zawk ang hial khan a sawi a, mahse tunah chuan a rilru a lam lÍt leh deuh nge a, duh ang zat pawisa hlawh turin an thlÍm leh zawk, chan a pawi tih loh hmel ta viau.

New Yorker Festival-ah Daniel Craig hian James Bond character chu a ngai hle tih a sawi a, chu bakah chuan, "Bond-a ka chan avang hian khawvela hna ṭha ber ka nei a ni...hetiang tluka hna
ṭha hi khawvelah a awm tawh chuang lo," a ti hial. He film a chang tawh lo a nih chuan a chan lai hun kha ngaih namenin a ngai dawn lo tih a sawi a, he film-a chan hi nuam a ti tih a sawi a ni.

Chanchinbu ṭhenkhatten an tarlan dan chuan Daniel Craig hi USD mtd 150 hlawha film pahnih emaw vela chang leh turin an sawm a, chutihrual chuan amah chuan hetianga sawmna hi a awm lo niin a sawi ve thung. Craig hian tunah hian Logan Lucky film a buaipui mek a, hetah hian Channing Tatum, Adam Diver, Hilary Swank, Katherine Waterson, Riley Keough leh Sebastian Stan te nen an changho.