Mizoramah Break N Chill tour

L‚m lam ngaina tan chuan hmaih chi a ni lo ang. India rama BBoys ṭha ber berte chuan Break N Chill tour-in India hmar≠chhak an fang kual a, hmun hrang hrangah workshop an neihpui kual a, chumi kal zel vawiin aṭangin Aizawl an rawn lut dawn.

Break N Chill tour-a BBoys ṭha ten Aizawl an rawn tlawh turah hian workshop an pe leh bawk dawn a, vawiin, Zirtawpni leh naktuk, Inrinniah te he hun hi an hmang. Tuna tour member zingah hian Red Bull BC Once India Cypher te, India rama Bboy intihsiakna lian bera pakhatna lo ni tawh Flying Machin bakah, Funky Monkey, NeverMind, Sonic, Godhand leh Popping CC te an rawn kal dawn. Anni hi India rama Bboy scene-ah sul hnu lo ngah tawh leh experience nei ṭhaa tak tak vek an ni.

Workshop hi Electric Venga Mizo Dance Camp Studio-ah neih a ni dawn a, chu bakah chuan Popping, Krump leh Freestyle Class te a awm ang. Workshop khar nan hian Inrinni tlai dar 3-ah Dance Battle Jam neih nghal tur a ni dawn a, heta chak te chu December-a Mumbai-a buatsaih tur, To The Culture Jam, India-a Hip Hop Dance Battle lian bera tel tura North East ai awha thawn chhuah theihna chance a awm ang.