3 Doors Down singer-in kal cancer a vei thu puang

American rock band 3 Doors Down lead singer, Brad Arnold chuan stage 4 kal cancer a vei tih a sawi. Musician hian Nilaini khan a Instagram video-ah thu lawmawm lo tak rawn puangin, kar hnih liam ta aṭanga a damloh thu leh, damdawiin panpui a nih thu a sawi.

Arnold chuan a lung chhungah clear cell renal carcinoma a nei tih hmuhchhuah a ni a, stage 4 a lo nih tawh avangin a dinhmun a ṭhat loh thu a sawi. Hetiang natna hi nei mah se rinna lama a chak avangin hlauhthawnna a neih loh thu sawiin, "Pathian tan rawng kan bawl a, engkim a hneh theih a ni. Chuvangin hlauhna ka nei loa, mahse kumin nipui chhunga tour kan neih tur cancel a ngaih dawn avangin ngaihdam ka dil a ni' tiin thuchhuah a siam. 3 Doors Down-ah hian member Chris Henderson, Greg Upchurch, Chet Roberts leh Justin Biltonen te an awm mek a, an hla "Kryptonite," "When I’m Gone," "Here Without You," "Let Me Go" leh "It's Not My Time" te vangin khawvel hriat an lo hlawh tawh a ni.