2025 BET Awards : Kendrick Lamar-in nominaton hmu hnem

25th BET Awards, kumin June 9-a semchhuah turah category hrang hranga nominee te puanzar niin, American rapper leh songwriter Kendrick Lamar chuan nomination hmu hnem berin category 10 ah nominate a ni. Lamar dawt ah hian hiphop huang a thawm nei lian tak tak Doechii, Future, GloRilla bakah Lamar a nen a inbakkaih reng Drake te chuan nomination paruk ṭheuh an hmu ve bawk a ni.

Lamar hian GNX hmangin 'Album of The Year' , Not Like Us hmangin 'Video of The Year' leh 'Three Viewer's choice awards' bakah 'Best Collaboration' leh 'Video Director of the Year' leh 'Best Male Hip Hop atist'-ah te nomination hi a hmu a ni.

BET Awards sem turah hian SZA leh The Weeknd te chuan nomination pali ve ve an hmu a; Arya Starr, Chris Brown, Lil Wayne, Maverick City Music, Playboi Carti, Teddy Swims leh Tyler The Creator-te chuan pathum ṭheuh an hmu bawk. 25th BET Awards hi Peacock Theater, Los Angeles ah neih tur niin American comedian leh actor Kevin Hart in a host ang.